કેટલીક વાતો એવી હોય છે કે કાગળને રહસ્યમય બનાવે છે.કેટલીક ખાટીમીઠી યાદો જ્યારે કાગળમાં જડાઈ જાય ત્યારે કાગળને રહસ્યમય બનાવે છે.જીવનની સફર દ્રારા અંકાયેલી બાબતો કાગળને રહસ્યમય બનાવે છે,કેટલી અંગત બાબત કાગળને રહસ્યથી ભરપુર કરે છે,કેટલીક જીવનની છણાવટ કાગળની રહસ્યમય બનાવે છે,આપણા દુઃખની અંગત બાબત કાગળને રહસ્યમય બનાવે છે.રહસ્યોની શ્રુંખલા કાગળને વધુ રહસ્યમય બનાવે છે...કાગળના રહસ્યો જીવનના બોધપાઠ આપે છે તો ભુતકાળની ભૂલોથી શીખવે છે,રહસ્યો તો જીવનની સફર યાદગાર બનાવે છે...😍
લેખકને સર્જક કહેવામાં આવે છે,સામાન્ય માણસથી જેની વિચારસરણી દ્રષ્ટિકોણ અલગ હોય તે છે લેખક.જેને શબ્દની માવજત કરીને આખીય ઘટનાને વાર્તા કે લેખમાં ફેરવવાની હોય છે.કોઈ પણ ઘટનાનો ઝીણવટ પુર્વક અભ્યાસ કરી તેને ચોક્કસ સ્વરૂપ આપવાનું હોઈ લેખકને સર્જક કહ્યો છે,જે ઘટનાનું સર્જન કરે છે,કોઈપણ ઘટનાક્રમમાં મહત્વની ભુમિકા સર્જકની હોય છે.લેખકની ભુમિકા અહમ હોય છે કોઈવાર સંચાલનકર્તા તો કોઈવાર સંવાદદાતા બની જાય છે તો કોઈવાર એક્ટરની ભુમિકામાં પણ હોય છે.તમારી સર્જનાત્મકતા અને કલ્પના મહત્વની છે,પાત્રોને આપવામાં આવતી કામગીરી પણખુબ મહત્વ છે,જે વાર્તા નવલકથા કે લઘુકથાની સુંદરતા વધારે છે.લેખકની ભૂમિકા તો પહેલાં સારા શ્રોતા અને સારા વાંચકની પણ હોય છે.વાંચકવર્ગને એવી ઉત્કૃષ્ટ સાહિત્યરુપી ભેટ આપવાની હોય છે કે સમાજને કંઈ પ્રેરણા મળે ઘટનાનો સાર પોતાની ઉપર લખાયેલો છે,આ કહાનીના નાયક તરીકે દરેક વાંચકવર્ગ પોતાની જાતને જુએ,એમાંથી કંઈક શીખે પાત્રોને કોઈ દોષમાં નહી પણ મુક્તમને વિહરવા દેવાના હોય છે,નવરસની સાથે સાથે સાહિત્યનો પ્રકારની પણ સૂઘડતા શબ્દભંડોળને ભાષામાં સ્પષ્ટવક્તાપણુ છલકાવવુ લેખક પોતે શું આપી શકે છે,એના પરથી લેખકનો માપદંડ નક્કી થાય છે.સાહિત્ય એ વાસ્તવિકતાનુ ઉંડાણપુર્વક અધ્યયન સમાજની વાસ્તવિકતાને સાહિત્યના પ્રકાર દ્વારા છતો કરવાનું મુખ્યકામ હોય છે તો એ લેખકનું છે,માટે લેખક એક સર્જક છે આ વાત સ્વીકારવી જ રહી....
નિરાશામાં આશાનું કિરણ
પ્રેમ જ્યારે સ્વતંત્ર સ્વરૂપમાં હોય ત્યારે આનંદની અનુભૂતિ કરાવે છે,પરંતુ જ્યારે પ્રેમમાં જબરજસ્તી રુપી કડવાશ આવે ત્યારે એજ પ્રેમ પીડા આપે છે,એ.અનુભવ આપણે ચાહતને પુછીએ...
શમાની કોલેજ પુરી થતાંની સાથે જ કંપનીમાં નોકરીએ લાગી ગયી.બહુ બધી જગ્યાએ ઈન્ટરવ્યૂ આપ્યા પણ નિયતિ તેને અહીં ખેંચી લાવી.નવી નવી હતી એટલે પહેલાં બહુ અઘરું લાગી રહ્યું હતું,સમય જતા બધું પોતાનું લાગી રહ્યું હતું.સ્ટાફમિત્રો પણ બહુ સારા હતા. પણ તેના બોસ આયાન યહુજા સાથેની કેમેસ્ટ્રી બહુ સારી હતી જે ચર્ચાનો વિષય બની રહેલી.કેટલીક બહેનો જેલસી ફિલ કરતી.તો કેટલીક આ વાતની મસાલા ન્યૂઝ બનાવતી.
